ek taj kisi sar pe jo hum dekh rahe hain

ik taaj kisī sar pe jo ham dekh rahe haiñ

aisā hai ki huqqe pe chilam dekh rahe haiñ

whiskey hai kahīñ aur na rum dekh rahe haiñ

Tharrā hai magar vo bhī to kam dekh rahe haiñ

himmat nahīñ itnī ki unheñ bhej deñ chiTThī

likh likh ke magar zor-e-qalam dekh rahe haiñ

hir-phir ke sadā revḌī apnoñ hī ko bāñTī

ham aap kā andāz-e-karam dekh rahe haiñ

samjhāne hī aayā hai samajhte haiñ ye ham ḳhuub

maiḳhāne meñ vā'iz ke qadam dekh rahe haiñ

bhole hī lage sab ko vo jis ruḳh se bhī baiThe

ham baiThī huī chaltī raqam dekh rahe haiñ

paimāne se paimān-e-vafā bāñdh liyā phir

TuuTī huī 'ḳhandāñ' kī qasam dekh rahe haiñ

ek taj kisi sar pe jo hum dekh rahe hain

aisa hai ki huqqe pe chilam dekh rahe hain

whiskey hai kahin aur na rum dekh rahe hain

Tharra hai magar wo bhi to kam dekh rahe hain

himmat nahin itni ki unhen bhej den chiTThi

likh likh ke magar zor-e-qalam dekh rahe hain

hir-phir ke sada rewDi apnon hi ko banTi

hum aap ka andaz-e-karam dekh rahe hain

samjhane hi aaya hai samajhte hain ye hum KHub

maiKHane mein wa'iz ke qadam dekh rahe hain

bhole hi lage sab ko wo jis ruKH se bhi baiThe

hum baiThi hui chalti raqam dekh rahe hain

paimane se paiman-e-wafa bandh liya phir

TuTi hui 'KHandan' ki qasam dekh rahe hain