ek tajassus hai bapa jaane KHuda kya hoga

ik tajassus hai bapā jaane ḳhudā kyā hogā

sātvīñ samt bhī duniyā kā tamāshā hogā

gard baiThī to nazar aa.egā raste kā fusūñ

niiñd TuuTī to kisī ḳhvāb kā ronā hogā

maiñ vo dariyā huuñ jo sahrā kī taraf jaatā hai

maiñ vo lamha jo guzar kar na dobāra hogā

dhuup saa.e ke ta.āqub meñ lagī rahtī hai

vasl dar-asl tire hijr kā jhāñsa hogā

yuuñ na dekho ki mujhe nek gumāñ hone lage

yuuñ na chāho ki kabhī chhoḌ ke jaanā hogā

ik ishāre se bikhar jā.egī duniyā saarī

surḳh signal pe hue ishq tirā kyā hogā

khā ga.ī aañkh se manzar ko udāsī 'rāshid'

merī zambīl meñ har aks adhūrā hogā

ek tajassus hai bapa jaane KHuda kya hoga

satwin samt bhi duniya ka tamasha hoga

gard baiThi to nazar aaega raste ka fusun

nind TuTi to kisi KHwab ka rona hoga

main wo dariya hun jo sahra ki taraf jata hai

main wo lamha jo guzar kar na dobara hoga

dhup sae ke taaqub mein lagi rahti hai

wasl dar-asl tere hijr ka jhansa hoga

yun na dekho ki mujhe nek guman hone lage

yun na chaho ki kabhi chhoD ke jaana hoga

ek ishaare se bikhar jaegi duniya sari

surKH signal pe hue ishq tera kya hoga

kha gai aankh se manzar ko udasi 'rashid'

meri zambil mein har aks adhura hoga