ek tamasha ki hota raha samne

ik tamāshā ki hotā rahā sāmne

duur mujh se maiñ khelā kiyā sāmne

āsmāñ sar meñ phailāv letā huā

ik simaTtī huī sī du'ā sāmne

sāmne TūTī-phūTī sadā kā khañDar

duur gahrā.ī meñ ik ḳhalā sāmne

maiñ ki apnā hī qad paar kar na sakā

aa gayā koī mujh se baḌā sāmne

zindagī ek mauj-e-fanā kā surūr

sar-ba-sar ek mauj-e-havā sāmne

ye vahī shaḳhs hai kyā vahī shaḳhs hai

vo jo aaya thā hañstā huā sāmne

dekho 'ajmal' ne ik aur kah dī ġhazal

vo jo dil meñ thā sab rakh diyā sāmne

ek tamasha ki hota raha samne

dur mujh se main khela kiya samne

aasman sar mein phailaw leta hua

ek simaTti hui si du'a samne

samne TuTi-phuTi sada ka khanDar

dur gahrai mein ek KHala samne

main ki apna hi qad par kar na saka

aa gaya koi mujh se baDa samne

zindagi ek mauj-e-fana ka surur

sar-ba-sar ek mauj-e-hawa samne

ye wahi shaKHs hai kya wahi shaKHs hai

wo jo aaya tha hansta hua samne

dekho 'ajmal' ne ek aur kah di ghazal

wo jo dil mein tha sab rakh diya samne