ek tasalsul se raigani hai
ik tasalsul se rā.igānī hai
zindagī bhī ajab kahānī hai
sar meñ saudā nayā samāyā hai
dil meñ vahshat vahī purānī hai
tujh galī meñ ġhubār ban ke miyāñ
hijr kī ḳhaak ham ne chhānī hai
mujh ko tahlīl kar diyā pal meñ
kyā ajab marg-e-nā-gahānī hai
dil meñ mātam-kunāñ hai halqa-e-ġham
tere jaane kī soz-ḳhvānī hai
dasht-e-imkāñ to ek pal hai magar
pā-e-imkāñ to jāvedānī hai
kis qadar huuñ shikasta-pā phir bhī
ḳhud ko paane kī phir se Thānī hai
ek tasalsul se raigani hai
zindagi bhi ajab kahani hai
sar mein sauda naya samaya hai
dil mein wahshat wahi purani hai
tujh gali mein ghubar ban ke miyan
hijr ki KHak hum ne chhani hai
mujh ko tahlil kar diya pal mein
kya ajab marg-e-na-gahani hai
dil mein matam-kunan hai halqa-e-gham
tere jaane ki soz-KHwani hai
dasht-e-imkan to ek pal hai magar
pa-e-imkan to jawedani hai
kis qadar hun shikasta-pa phir bhi
KHud ko pane ki phir se Thani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
