ek umr se dil mein hai nihan chah kisi ki

ik umr se dil meñ hai nihāñ chaah kisī kī

vo dekhte baiThe haiñ abhī raah kisī kī

auroñ ko satāne se tire haath uThā le

Dar hai ki na lag jaa.e tujhe aah kisī kī

rakkhā na karo daulat-e-duniyā pe bharosa

ye gaah tumhārī hai to hai gaah kisī kī

girdāb-e-havādis se ubharnā nahīñ mushkil

le Dūbtī hai himmat-e-kotāh kisī kī

hai qahr-e-ilāhī kā sabab kibr kisī kā

hai vaj.h-e-tabāhī havas-e-jāh kisī kī

ai māh-e-munavvar ruḳh-e-raushan hai kisī kā

ai kāhkashāñ tū hai guzargāh kisī kī

māñgā hai salīqe se bhī 'bartar' kabhī tum ne

kahte ho ki suntā nahīñ allāh kisī kī

ek umr se dil mein hai nihan chah kisi ki

wo dekhte baiThe hain abhi rah kisi ki

auron ko satane se tere hath uTha le

Dar hai ki na lag jae tujhe aah kisi ki

rakkha na karo daulat-e-duniya pe bharosa

ye gah tumhaari hai to hai gah kisi ki

girdab-e-hawadis se ubharna nahin mushkil

le Dubti hai himmat-e-kotah kisi ki

hai qahr-e-ilahi ka sabab kibr kisi ka

hai wajh-e-tabahi hawas-e-jah kisi ki

ai mah-e-munawwar ruKH-e-raushan hai kisi ka

ai kahkashan tu hai guzargah kisi ki

manga hai saliqe se bhi 'bartar' kabhi tum ne

kahte ho ki sunta nahin allah kisi ki