ek wo bhi din the tujhse mera rabta na tha

ik vo bhī din the tujh se mirā rābta na thā

sanjīdgī se tere liye sochtā na thā

nafrat milī to zom-e-vafā TuuT TuuT kar

bikhrā kuchh is tarah ki koī vāsta na thā

kamre meñ phailtī hī ga.ī raushnī kī lahr

kirnoñ kā jaal thā ki kahīñ TūTtā na thā

dekhā tujhe to chāñd bhī peḌoñ meñ chhup gayā

vaise to shahr bhar meñ koī chāñd sā na thā

vo apnī zaat meñ hī muqayyad rahā 'niyāz'

sab dekhte the us ko koī DhūñDhtā na thā

ek wo bhi din the tujh se mera rabta na tha

sanjidgi se tere liye sochta na tha

nafrat mili to zom-e-wafa TuT TuT kar

bikhra kuchh is tarah ki koi wasta na tha

kamre mein phailti hi gai raushni ki lahr

kirnon ka jal tha ki kahin TuTta na tha

dekha tujhe to chand bhi peDon mein chhup gaya

waise to shahr bhar mein koi chand sa na tha

wo apni zat mein hi muqayyad raha 'niyaz'

sab dekhte the us ko koi DhunDhta na tha