ek zabt ki jo had se guzarne nahin deta

ik zabt ki jo had se guzarne nahīñ detā

marnā koī chāhe bhī to marne nahīñ detā

kitne haiñ mujhe kaam jo karne nahīñ detā

ye vaqt to ik zaḳhm bhī bharne nahīñ detā

ye jazb-e-talab ki hai jo ab rāh-e-talab meñ

manzil pe pahuñch kar bhī Thaharne nahīñ detā

ye haal kā ehsāñ hai jo maazī kā koī naqsh

ab ā.ina-e-dil pe ubharne nahīñ detā

ik ġham hai kisī kā jo kisī haal meñ 'tāriq'

shīrāza-e-hastī ko bikharne nahīñ detā

ek zabt ki jo had se guzarne nahin deta

marna koi chahe bhi to marne nahin deta

kitne hain mujhe kaam jo karne nahin deta

ye waqt to ek zaKHm bhi bharne nahin deta

ye jazb-e-talab ki hai jo ab rah-e-talab mein

manzil pe pahunch kar bhi Thaharne nahin deta

ye haal ka ehsan hai jo mazi ka koi naqsh

ab aaina-e-dil pe ubharne nahin deta

ek gham hai kisi ka jo kisi haal mein 'tariq'

shiraaza-e-hasti ko bikharne nahin deta