ek zamane ke baad roya hun

ik zamāne ke baad royā huuñ

zaḳhm khāne ke baad royā huuñ

us ke jaane pe chup thā maiñ lekin

us ke jaane ke baad royā huuñ

apne hāthoñ se aaj phir apnā

dil dukhāne ke baad royā huuñ

kho ke tere ḳhayāloñ meñ aksar

muskurāne ke baad royā huuñ

pahle paḌh kar maiñ muskurāyā magar

ḳhat jalāne ke baad royā huuñ

aaj phir aa.ine ko maiñ apnā

ġham sunāne ke baad royā huuñ

tujh se mansūb kar ke sheroñ ko

gungunāne ke baad royā huuñ

terī yādoñ ke 'sād' shānoñ par

sar jhukāne ke baad royā huuñ

ek zamane ke baad roya hun

zaKHm khane ke baad roya hun

us ke jaane pe chup tha main lekin

us ke jaane ke baad roya hun

apne hathon se aaj phir apna

dil dukhane ke baad roya hun

kho ke tere KHayalon mein aksar

muskurane ke baad roya hun

pahle paDh kar main muskuraya magar

KHat jalane ke baad roya hun

aaj phir aaine ko main apna

gham sunane ke baad roya hun

tujh se mansub kar ke sheron ko

gungunane ke baad roya hun

teri yaadon ke 'sad' shanon par

sar jhukane ke baad roya hun