ilahi mahshar mein bahr-e-pursish jab ek darbar aam hoga

ilāhī mahshar meñ bahr-e-pursish jab ek darbār aam hogā

mirī baġhal meñ surāhī hogī zabān par terā naam hogā

nasīb tujh ko nahīñ ye ne.amat to zahmat-e-tūr kar gavārā

yahāñ to hote haiñ roz jalve kalīm tujh ko kalām hogā

nigah rahe āsmāñ pe terī hai tā.ir-e-arsh-āshiyāñ tū

nazar meñ jis kī zamīn hogī vahī giraftār-e-dām hogā

qubūl kar markaz-e-haqīqat tirā makāñ lā-makāñ hai ai dil

majāz ke dā.ere meñ aakar fuzūl pāband-e-nām hogā

harīm-e-ka.aba-o-dair donoñ haiñ qābil-e-ehtirām lekin

nazā.a-e-bāham ke hoñ na markaz to phir dilī-ehtirām hogā

tū nashsha-e-zohd kā hai tālib tujhe kahāñ vajd-e-jāvedānī

jo rind-e-mast-e-mudām hogā vo rāzdār-e-davām hogā

shu.ūr kahte haiñ jis ko aaqil vo roz mehvar badal rahā hai

jo aa gayā jāda-e-junūñ meñ sukūñ meñ us kā qiyām hogā

na hoñgī hal mushkilāt 'aiman' fuzūl sab koshisheñ haiñ terī

ḳhudā se imdād kī duā kar baġhair is ke na kaam hogā

ilahi mahshar mein bahr-e-pursish jab ek darbar aam hoga

meri baghal mein surahi hogi zaban par tera nam hoga

nasib tujh ko nahin ye neamat to zahmat-e-tur kar gawara

yahan to hote hain roz jalwe kalim tujh ko kalam hoga

nigah rahe aasman pe teri hai tair-e-arsh-ashiyan tu

nazar mein jis ki zamin hogi wahi giraftar-e-dam hoga

qubul kar markaz-e-haqiqat tera makan la-makan hai ai dil

majaz ke daere mein aakar fuzul paband-e-nam hoga

harim-e-kaba-o-dair donon hain qabil-e-ehtiram lekin

nazaa-e-baham ke hon na markaz to phir dili-ehtiram hoga

tu nashsha-e-zohd ka hai talib tujhe kahan wajd-e-jawedani

jo rind-e-mast-e-mudam hoga wo raazdar-e-dawam hoga

shuur kahte hain jis ko aaqil wo roz mehwar badal raha hai

jo aa gaya jada-e-junun mein sukun mein us ka qiyam hoga

na hongi hal mushkilat 'aiman' fuzul sab koshishen hain teri

KHuda se imdad ki dua kar baghair is ke na kaam hoga