ilm hota nahin bahaw ka

'ilm hotā nahīñ bahāv kā

jurm bantā hai mahz naav kā

dūsre 'ishq kā maiñ kyā sochūñ

dard kaafī hai pahle ghaav kā

zindagī hai yā koī station

kyā tamāshā hai aao jaao kā

maut itnī hasīn lag rahī thī

maiñ ne sochā nahīñ bachāv kā

ek lamhe meñ miT rahegā sab

hukm aayā agar miTāo kā

dekh mujh ko tabāh kar gayā hai

yahī andāz rakh-rakhāv kā

jang hone lagī kahānī meñ

sho'la baḌhne lagā alaav kā

bachne vāloñ ko yaad hī nahīñ ab

koī mallāh bhī thā naav kā

ham bhī jaate nahīñ vahāñ 'anjum'

ḳhat bhī aatā nahīñ hai aao kā

'ilm hota nahin bahaw ka

jurm banta hai mahz naw ka

dusre 'ishq ka main kya sochun

dard kafi hai pahle ghaw ka

zindagi hai ya koi station

kya tamasha hai aao jao ka

maut itni hasin lag rahi thi

main ne socha nahin bachaw ka

ek lamhe mein miT rahega sab

hukm aaya agar miTao ka

dekh mujh ko tabah kar gaya hai

yahi andaz rakh-rakhaw ka

jang hone lagi kahani mein

sho'la baDhne laga alaw ka

bachne walon ko yaad hi nahin ab

koi mallah bhi tha naw ka

hum bhi jate nahin wahan 'anjum'

KHat bhi aata nahin hai aao ka