ilzam be-sabab na kisi par dhara karen

ilzām be-sabab na kisī par dharā kareñ

tahqīq apne taur pe bhī kar liyā kareñ

ḳhud hī ġhubār-e-rāh dikhā.eñge rāsta

paidā to aap dil meñ zarā hausla kareñ

ruḳhsār-o-lab kī baat bahut ho chukī hai ab

hālāt-e-hāzira pe koī tabsira kareñ

ye baat dostoñ ko bhī guzregī nāgavār

iz.hār-e-dushmanī na kabhī barmalā kareñ

Tal jaatī haiñ musībateñ is kār-e-ḳhair se

mohtājoñ be-navāoñ ko sadqa diyā kareñ

nafrat kī tīrgī ko miTāne ke vāste

har chaar samt pyaar kā raushan diyā kareñ

dil meñ na ho ḳhulūs to be-sūd hai miyāñ

din-rāt aap laakh ibādat kiyā kareñ

'shādāñ' qadam qadam pe ye detī rahī fareb

ham zindagī ke saath kahāñ tak vafā kareñ

ilzam be-sabab na kisi par dhara karen

tahqiq apne taur pe bhi kar liya karen

KHud hi ghubar-e-rah dikhaenge rasta

paida to aap dil mein zara hausla karen

ruKHsar-o-lab ki baat bahut ho chuki hai ab

haalat-e-hazira pe koi tabsira karen

ye baat doston ko bhi guzregi nagawar

izhaar-e-dushmani na kabhi barmala karen

Tal jati hain musibaten is kar-e-KHair se

mohtajon be-nawaon ko sadqa diya karen

nafrat ki tirgi ko miTane ke waste

har chaar samt pyar ka raushan diya karen

dil mein na ho KHulus to be-sud hai miyan

din-raat aap lakh ibaadat kiya karen

'shadan' qadam qadam pe ye deti rahi fareb

hum zindagi ke sath kahan tak wafa karen