in bala ki aandhiyon mein ek shajar baqi rahe
in balā kī āñdhiyoñ meñ ik shajar baaqī rahe
fāḳhtāoñ ke liye koī to ghar baaqī rahe
ek taara ek dīpak ek jugnū hī sahī
raat kī dīvār meñ koī to dar baaqī rahe
chāñd kī kashtī tah-e-dariyā huī thī jis jagah
kuchh nishāñ baaqī rahe koī bhañvar baaqī rahe
jaane vaale ko kabhī bhī lauT kar aanā nahīñ
lauT aane kī bahar-sūrat ḳhabar baaqī rahe
sard mausam meñ uThā kar haath ye māñgeñ duā
tan meñ jaañ baaqī rahe jaañ meñ sharar baaqī rahe
raah meñ thak kar kahīñ par baiTh mat jaanā 'shafīq'
ghar kī jānib vāpsī kā ik safar baaqī rahe
in bala ki aandhiyon mein ek shajar baqi rahe
faKHtaon ke liye koi to ghar baqi rahe
ek tara ek dipak ek jugnu hi sahi
raat ki diwar mein koi to dar baqi rahe
chand ki kashti tah-e-dariya hui thi jis jagah
kuchh nishan baqi rahe koi bhanwar baqi rahe
jaane wale ko kabhi bhi lauT kar aana nahin
lauT aane ki bahar-surat KHabar baqi rahe
sard mausam mein uTha kar hath ye mangen dua
tan mein jaan baqi rahe jaan mein sharar baqi rahe
rah mein thak kar kahin par baiTh mat jaana 'shafiq'
ghar ki jaanib wapsi ka ek safar baqi rahe
- Book : Khayaabaan (Pg. 142)
- Author : Hassan Abbas Raza
- Publication : Bazm-e-Khayaabaan-e-adab, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
