in tanon mein in tashnion mein poshida koi mafhum to ho

in ta.anoñ meñ in tashnī.oñ meñ poshīda koī mafhūm to ho

kis baat kā ham se shikva hai vo baat hameñ mālūm to ho

maiñ ḳhūn-e-jigar se kāġhaz par kuchh naqsh banātī rahtī huuñ

haañ tujh se koī mansūb to ho haañ tujh se koī mausūm to ho

vo log jo bhole-bhāle the dil vaale mohabbat vaale the

kis des meñ aise log haiñ ab vo des hameñ mālūm to ho

haiñ sher-o-suḳhan mahfil meñ bahut vo sher-o-suḳhan ham kyā jāneñ

jo sher-o-suḳhan thī zaat tirī vo sher-o-suḳhan manzūm to ho

vo log jo pahle jiite the kyā pyāre aur chahete the

vo rāteñ zinda logoñ kī ham murdoñ kā maqsūm to ho

lafzoñ meñ tirī yādoñ kī chamak ma.anī meñ tirī furqat kī lahak

is hiile aur bahāne se kuchh merī ġhazal kī dhuum to hai

ik jashn hai chāñd sitāroñ kā ik jashn hai ġham ke māroñ kā

is jashn kā to hai shor bahut us jashn kī bhī kuchh dhuum to ho

'anjum' kī ġhazal kī tāsīreñ ḳhushiyoñ meñ kahāñ haath aatī haiñ

kuchh der zarā ġhamgīñ to rah kuchh der zarā maġhmūm to ho

in tanon mein in tashnion mein poshida koi mafhum to ho

kis baat ka hum se shikwa hai wo baat hamein malum to ho

main KHun-e-jigar se kaghaz par kuchh naqsh banati rahti hun

han tujh se koi mansub to ho han tujh se koi mausum to ho

wo log jo bhole-bhaale the dil wale mohabbat wale the

kis des mein aise log hain ab wo des hamein malum to ho

hain sher-o-suKHan mahfil mein bahut wo sher-o-suKHan hum kya jaanen

jo sher-o-suKHan thi zat teri wo sher-o-suKHan manzum to ho

wo log jo pahle jite the kya pyare aur chahete the

wo raaten zinda logon ki hum murdon ka maqsum to ho

lafzon mein teri yaadon ki chamak mani mein teri furqat ki lahak

is hile aur bahane se kuchh meri ghazal ki dhum to hai

ek jashn hai chand sitaron ka ek jashn hai gham ke maron ka

is jashn ka to hai shor bahut us jashn ki bhi kuchh dhum to ho

'anjum' ki ghazal ki tasiren KHushiyon mein kahan hath aati hain

kuchh der zara ghamgin to rah kuchh der zara maghmum to ho