infiradi soch le kar sath raste bhar chale

infirādī soch le kar saath raste bhar chale

bhiiḌ meñ rahte hue bhī bhiiḌ se haT kar chale

ham-safar koī nahīñ thā phir ham thakte na the

saath apne ārzūoñ kā liye lashkar chale

rāstoñ se thī shanāsā.ī na manzil kī ḳhabar

chal paḌe to kab ruke azm-e-safar le kar chale

ham chale jāda-ba-jāda phuul barsāte hue

vaa.e qismat ham pe hī har raah meñ patthar chale

zindagī kī shaam hai ab qasd hai ghar kā 'payām'

shaam ko jaise parinde apne apne ghar chale

infiradi soch le kar sath raste bhar chale

bhiD mein rahte hue bhi bhiD se haT kar chale

ham-safar koi nahin tha phir hum thakte na the

sath apne aarzuon ka liye lashkar chale

raston se thi shanasai na manzil ki KHabar

chal paDe to kab ruke azm-e-safar le kar chale

hum chale jada-ba-jada phul barsate hue

wae qismat hum pe hi har rah mein patthar chale

zindagi ki sham hai ab qasd hai ghar ka 'payam'

sham ko jaise parinde apne apne ghar chale