inhin aainon mein taswir-e-haqiqat to nahin

inhīñ ā.īnoñ meñ tasvīr-e-haqīqat to nahīñ

kahīñ har zarra tire husn kī aayat to nahīñ

in hijābāt se TuuTī hai kahīñ himmat-e-ishq

jalva-e-yār kuchh anjām-e-mohabbat to nahīñ

vajd se mere na samjho ki huuñ nā-vāqif-e-hashr

raqs-e-parvāna koī raqs-e-masarrat to nahīñ

dil kī har ek ḳhushī jis ne badal dī ġham se

Dar ye hai ġham bhī kahīñ us kī amānat to nahīñ

lazzat-e-ishq meñ Duubā huā dil kyā kahnā

sochtā huuñ ġham-e-furqat hī ibādat to nahīñ

dekh kar mahmil-e-lailā ko na ḳhush ho majnūñ

isī parde meñ nihāñ sub.h-e-qayāmat to nahīñ

fikr-e-darmān-talab tujh ko mubārak lekin

kahīñ ye dard hī nādāñ tirī daulat to nahīñ

ġhaur kar ishq kī mastī pe machalne vaale

lazzat-e-sajda hī sajde kī ḳhayānat to nahīñ

un ke altāf se taskīn-e-junūñ kyā ho 'bashīr'

kuchh bhī badlā ho mohabbat kā mohabbat to nahīñ

inhin aainon mein taswir-e-haqiqat to nahin

kahin har zarra tere husn ki aayat to nahin

in hijabaat se TuTi hai kahin himmat-e-ishq

jalwa-e-yar kuchh anjam-e-mohabbat to nahin

wajd se mere na samjho ki hun na-waqif-e-hashr

raqs-e-parwana koi raqs-e-masarrat to nahin

dil ki har ek KHushi jis ne badal di gham se

Dar ye hai gham bhi kahin us ki amanat to nahin

lazzat-e-ishq mein Duba hua dil kya kahna

sochta hun gham-e-furqat hi ibaadat to nahin

dekh kar mahmil-e-laila ko na KHush ho majnun

isi parde mein nihan subh-e-qayamat to nahin

fikr-e-darman-talab tujh ko mubarak lekin

kahin ye dard hi nadan teri daulat to nahin

ghaur kar ishq ki masti pe machalne wale

lazzat-e-sajda hi sajde ki KHayanat to nahin

un ke altaf se taskin-e-junun kya ho 'bashir'

kuchh bhi badla ho mohabbat ka mohabbat to nahin