inqilabaat-e-musalsal ka asar dekha hai

inqilābāt-e-musalsal kā asar dekhā hai

maiñ ne aiboñ meñ hunar ḳhair meñ shar dekhā hai

gardish-e-vaqt ne jab se mirā ghar dekhā hai

ziist ko vaqf-e-ġham-e-shām-o-sahar dekhā hai

ḳhūn-e-dil ḳhūn-e-vafā ḳhūn-e-jigar dekhā hai

ye tamāshā ba-sar-e-rāh-guzar dekhā hai

aaj phir TūTne vaalī hai qayāmat shāyad

aaj phir us ne ba-andāz-e-digar dekhā hai

jis ko duniyā ne biThāyā thā kabhī palkoñ par

aaj usī shaḳhs ko pāmāl-e-nazar dekhā hai

ma.anī-e-harf-e-zavāl us ko bhalā kyā ma.alūm

jis ne sūraj ko faqat vaqt-e-sahar dekhā hai

phir bhī āsūda na ho pā.īñ nigāheñ 'rahbar'

maiñ ne har-chand use tā-hadd-e-nazar dekhā hai

inqilabaat-e-musalsal ka asar dekha hai

main ne aibon mein hunar KHair mein shar dekha hai

gardish-e-waqt ne jab se mera ghar dekha hai

zist ko waqf-e-gham-e-sham-o-sahar dekha hai

KHun-e-dil KHun-e-wafa KHun-e-jigar dekha hai

ye tamasha ba-sar-e-rah-guzar dekha hai

aaj phir TuTne wali hai qayamat shayad

aaj phir us ne ba-andaz-e-digar dekha hai

jis ko duniya ne biThaya tha kabhi palkon par

aaj usi shaKHs ko pamal-e-nazar dekha hai

mani-e-harf-e-zawal us ko bhala kya malum

jis ne suraj ko faqat waqt-e-sahar dekha hai

phir bhi aasuda na ho pain nigahen 'rahbar'

main ne har-chand use ta-hadd-e-nazar dekha hai