inqilabi soch shair ka qalam apni jagah

inqilābī soch shā.ir kā qalam apnī jagah

aap kī añgḌā.iyāñ zulfoñ kā ḳham apnī jagah

jāntā huuñ maiñ tumhāre bātinī kirdār ko

jubba-o-dastār-e-ālī-mohtaram apnī jagah

ham rahe apnī anā meñ kho na badlī aap ne

aap bhī apnī jagah haiñ aur ham apnī jagah

aap kī har baat ko taslīm farmāyā gayā

aap ke farmān ke sab besh-o-kam apnī jagah

us ke aane kī lagan meñ jī rahā huuñ is tarah

kaan aahaT par lage aTkā hai dam apnī jagah

sū-e-maqtal jab chalā 'ashraf' uThā kar zindagī

sar-kashīda thā mirī āñkhoñ kā nam apnī jagah

inqilabi soch shair ka qalam apni jagah

aap ki angDaiyan zulfon ka KHam apni jagah

jaanta hun main tumhaare baatini kirdar ko

jubba-o-dastar-e-ali-mohtaram apni jagah

hum rahe apni ana mein kho na badli aap ne

aap bhi apni jagah hain aur hum apni jagah

aap ki har baat ko taslim farmaya gaya

aap ke farman ke sab besh-o-kam apni jagah

us ke aane ki lagan mein ji raha hun is tarah

kan aahaT par lage aTka hai dam apni jagah

su-e-maqtal jab chala 'ashraf' uTha kar zindagi

sar-kashida tha meri aankhon ka nam apni jagah