intiha jis ki koi na thi ya-aKHi

intihā jis kī koī na thī yā-aḳhī

maiñ ne pī lī vo uftād bhī yā-aḳhī

is qadar baḌh ga.ī raushnī yā-aḳhī

mujh se merī nazar kaT ga.ī yā-aḳhī

jis ke sho'loñ ne kundan banāyā mujhe

zaḳhm-e-hijrat kī vo aañch thī yā-aḳhī

mere bāhar jo merī muḳhālif rahī

miir andar vahī baat thī yā-aḳhī

dasht-o-dariyā meñ yaksāñ mahaktī rahī

mere iz.hār kī har kalī yā-aḳhī

hai mirī zaat ḳhud ik samundar magar

phir bhī hai tishnagī tishnagī yā-aḳhī

reza reza bikhartī huī zindagī

TukḌe TukḌe anā hai mirī yā-aḳhī

sā'at-e-hijr ho yā ghaḌī vasl kī

koī bhī ho magar kaam kī yā-aḳhī

kaun hai kis se qad nāpnā hai mujhe

kyā karūñ le ke qad-āvarī yā-aḳhī

intiha jis ki koi na thi ya-aKHi

main ne pi li wo uftad bhi ya-aKHi

is qadar baDh gai raushni ya-aKHi

mujh se meri nazar kaT gai ya-aKHi

jis ke sho'lon ne kundan banaya mujhe

zaKHm-e-hijrat ki wo aanch thi ya-aKHi

mere bahar jo meri muKHalif rahi

mir andar wahi baat thi ya-aKHi

dasht-o-dariya mein yaksan mahakti rahi

mere izhaar ki har kali ya-aKHi

hai meri zat KHud ek samundar magar

phir bhi hai tishnagi tishnagi ya-aKHi

reza reza bikharti hui zindagi

TukDe TukDe ana hai meri ya-aKHi

sa'at-e-hijr ho ya ghaDi wasl ki

koi bhi ho magar kaam ki ya-aKHi

kaun hai kis se qad napna hai mujhe

kya karun le ke qad-awari ya-aKHi