is ahd mein bhi gham ka taraf-dar to hoga

is 'ahd meñ bhī ġham kā taraf-dār to hogā

koī na koī aap kā ġham-ḳhvār to hogā

ujḌegā mirā ghar to bhī rone kā nahīñ maiñ

miTTī kā badan hai so ye mismār to hogā

yūñhī to nahīñ aatī sadā āh-o-fuġhāñ kī

bikhrā huā koī pas-e-dīvār to hogā

chhin bhī ga.ī bīnā.ī tumheñ dekh to kyā ġham

āñkhoñ ko mirī aap kā dīdār to hogā

ye soch lagāyā nahīñ pahlū meñ nayā peḌ

tanhā.ī kā maarā hai samar-bār to hogā

jo bhī ho qafas TuuTe yā phir ye mirā sar jaa.e

bharpūr dīvāroñ pe magar vaar to hogā

ye aur ki tū dekhe faqat mere junūñ ko

varna ye mirā dil hai gunahgār to hogā

darvesh yahī soch ke nikle haiñ gharoñ se

mansūr-sifat koī sar-e-dār to hogā

dete chale jaate haiñ sadā dasht-e-junūñ tak

ye soch kahīñ merā giraftār to hogā

'sādiq' tirā ik taur yahī she'r-o-suḳhan kā

har shaḳhs yahāñ aise meñ bezār to hogā

is 'ahd mein bhi gham ka taraf-dar to hoga

koi na koi aap ka gham-KHwar to hoga

ujDega mera ghar to bhi rone ka nahin main

miTTi ka badan hai so ye mismar to hoga

yunhi to nahin aati sada aah-o-fughan ki

bikhra hua koi pas-e-diwar to hoga

chhin bhi gai binai tumhein dekh to kya gham

aankhon ko meri aap ka didar to hoga

ye soch lagaya nahin pahlu mein naya peD

tanhai ka mara hai samar-bar to hoga

jo bhi ho qafas TuTe ya phir ye mera sar jae

bharpur diwaron pe magar war to hoga

ye aur ki tu dekhe faqat mere junun ko

warna ye mera dil hai gunahgar to hoga

darwesh yahi soch ke nikle hain gharon se

mansur-sifat koi sar-e-dar to hoga

dete chale jate hain sada dasht-e-junun tak

ye soch kahin mera giraftar to hoga

'sadiq' tera ek taur yahi she'r-o-suKHan ka

har shaKHs yahan aise mein bezar to hoga