is auj par na uchhaalo mujhe hawa kar ke
is auj par na uchhālo mujhe havā kar ke
ki maiñ jahāñ se huuñ utrā ḳhudā ḳhudā kar ke
azal se mujh se hai vābasta ḳhair-o-shar kā nizām
na dekho mujh ko mirī zaat se judā kar ke
maiñ jāntā huuñ muqaffal haiñ saare darvāze
mujhe ye zid hai ki guzrūñ magar sadā kar ke
maiñ apne daur ke is karb kā huuñ ā.īna
jo pesh-rau hue ruḳhsat mujhe atā kar ke
shikast-e-zabt pe maiñ bhī bahut ḳhajil huuñ magar
khulā hai us kā bharam merā sāmnā kar ke
ye faḳhr kam nahīñ fāriġh hai dil ġharīb to kyā
ki aabrū to nahīñ khoī iltijā kar ke
is auj par na uchhaalo mujhe hawa kar ke
ki main jahan se hun utra KHuda KHuda kar ke
azal se mujh se hai wabasta KHair-o-shar ka nizam
na dekho mujh ko meri zat se juda kar ke
main jaanta hun muqaffal hain sare darwaze
mujhe ye zid hai ki guzrun magar sada kar ke
main apne daur ke is karb ka hun aaina
jo pesh-rau hue ruKHsat mujhe ata kar ke
shikast-e-zabt pe main bhi bahut KHajil hun magar
khula hai us ka bharam mera samna kar ke
ye faKHr kam nahin farigh hai dil gharib to kya
ki aabru to nahin khoi iltija kar ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
