is baDe shahr mein benam-o-nishan main hi hun

is baḌe shahr meñ benām-o-nishāñ maiñ hī huuñ

Dar se is shahr ke ḳhadshoñ kī zabāñ maiñ hī huuñ

maiñ huuñ us ujḌe hue baaġh meñ be-rut kī kalī

jis kī har saañs hai tauhīn-e-ḳhizāñ maiñ hī huuñ

lafz chalte haiñ mire nutq se tīroñ kī tarah

dast-e-haq meñ jo kaḌaktī hai kamāñ maiñ hī huuñ

kyā ajab mujh se jo parḳhāsh hai shab-zādoñ ko

jis se larzāñ hai dil-e-shab vo azaañ maiñ hī huuñ

tāb-kārī mire jauhar kī hai ḳhurshed-e-vafā

bā.is-e-tāb-o-tavāñ māh-vishāñ maiñ hī huuñ

is baDe shahr mein benam-o-nishan main hi hun

Dar se is shahr ke KHadshon ki zaban main hi hun

main hun us ujDe hue bagh mein be-rut ki kali

jis ki har sans hai tauhin-e-KHizan main hi hun

lafz chalte hain mere nutq se tiron ki tarah

dast-e-haq mein jo kaDakti hai kaman main hi hun

kya ajab mujh se jo parKHash hai shab-zadon ko

jis se larzan hai dil-e-shab wo azan main hi hun

tab-kari mere jauhar ki hai KHurshed-e-wafa

bais-e-tab-o-tawan mah-wishan main hi hun