is bayaban se jahan hain sari rahen ajnabi

is bayābāñ se jahāñ meñ saarī rāheñ ajnabī

chalte haiñ mere fuġhāñ merī ye aa.heñ ajnabī

arz pe āvārgī aflāk meñ begāngī

ham-safar haiñ sirf tāroñ kī nigāheñ ajnabī

phailtā hai shahr-e-dil meñ har kahīñ par intishār

hamla karne aatī haiñ ġham kī sipāheñ ajnabī

ham kyoñ jaa.eñ ai divāno hosh vāloñ ke dayār

hosh kī jo haiñ panāheñ haiñ panāheñ ajnabī

'rāhī' ko dair-āshnā sī ek din lipTegī maut

bhīñchtī haiñ ham ko ab hastī kī bāheñ ajnabī

is bayaban se jahan mein sari rahen ajnabi

chalte hain mere fughan meri ye aahen ajnabi

arz pe aawargi aflak mein begangi

ham-safar hain sirf taron ki nigahen ajnabi

phailta hai shahr-e-dil mein har kahin par intishaar

hamla karne aati hain gham ki sipahen ajnabi

hum kyon jaen ai diwano hosh walon ke dayar

hosh ki jo hain panahen hain panahen ajnabi

'rahi' ko dair-ashna si ek din lipTegi maut

bhinchti hain hum ko ab hasti ki bahen ajnabi