is bharose pe ki shayad koi aae ghar mein

is bharose pe ki shāyad koī aa.e ghar meñ

ham ne dīvār nahīñ dar bhī banā.e ghar meñ

kaun ab naql-e-makānī kī uThā.e zahmat

kaun ābād kare ḳhud ko parā.e ghar meñ

chaliye tāqoñ pe nahīñ to mirī palkoñ pe sahī

kuchh diye to kaf-e-vahshat ne jalā.e ghar meñ

ḳhāk-jismoñ meñ koī ḳhatrā nahīñ hai dil ko

sang mahfūz haiñ miTTī ke banā.e ghar meñ

jis ko rakhnī ho mohabbat kī chamak āñkhoñ meñ

qais-o-farhād kī tasvīr lagā.e ghar meñ

merī bīnā.ī ne ḳhalvat se nikālā mujh ko

merī tanhā.ī ne paidā kiye saa.e ghar meñ

is bharose pe ki shayad koi aae ghar mein

hum ne diwar nahin dar bhi banae ghar mein

kaun ab naql-e-makani ki uThae zahmat

kaun aabaad kare KHud ko parae ghar mein

chaliye taqon pe nahin to meri palkon pe sahi

kuchh diye to kaf-e-wahshat ne jalae ghar mein

KHak-jismon mein koi KHatra nahin hai dil ko

sang mahfuz hain miTTi ke banae ghar mein

jis ko rakhni ho mohabbat ki chamak aankhon mein

qais-o-farhad ki taswir lagae ghar mein

meri binai ne KHalwat se nikala mujh ko

meri tanhai ne paida kiye sae ghar mein