is darja hai jahan mein shuur-e-baqa mujhe

is darja hai jahāñ meñ shu'ūr-e-baqā mujhe

chhūte hue laraztā hai dast-e-fanā mujhe

merī nigāhoñ meñ vo safar zindagī kā hai

manzil har ek jis kī hai manzil-numā mujhe

kuchh duur mere saath chale shaiḳh-o-barhaman

aur aage phir milā na kisī kā patā mujhe

zulmat meñ bhī rasā.ī-e-manzil kā hai yaqīñ

mash'al dikhā rahe haiñ tire naqsh-e-pā mujhe

'rehānī' un ko dekh ke mahv-e-ḳhirām-e-nāz

har gaam par bahār kā dhokā huā mujhe

is darja hai jahan mein shu'ur-e-baqa mujhe

chhute hue larazta hai dast-e-fana mujhe

meri nigahon mein wo safar zindagi ka hai

manzil har ek jis ki hai manzil-numa mujhe

kuchh dur mere sath chale shaiKH-o-barhaman

aur aage phir mila na kisi ka pata mujhe

zulmat mein bhi rasai-e-manzil ka hai yaqin

mash'al dikha rahe hain tere naqsh-e-pa mujhe

'rehani' un ko dekh ke mahw-e-KHiram-e-naz

har gam par bahaar ka dhoka hua mujhe