is dil mein tere gham ne ab ghar bana liya hai

is dil meñ tere ġham ne ab ghar banā liyā hai

ujḌe hue chaman ko phir se basā liyā hai

ruktī nahīñ haiñ aa.heñ thamte nahīñ haiñ aañsū

ik rog ham ne apne dil ko lagā liyā hai

vo chhin ga.e haiñ ham se ġham un kā chhin na jaa.e

duniyā se ham ne un ke ġham ko chhupā liyā hai

ab maut hī karegī aa kar 'ilāj apnā

is zindagī ko ham ne bas aazmā liyā hai

is dil mein tere gham ne ab ghar bana liya hai

ujDe hue chaman ko phir se basa liya hai

rukti nahin hain aahen thamte nahin hain aansu

ek rog hum ne apne dil ko laga liya hai

wo chhin gae hain hum se gham un ka chhin na jae

duniya se hum ne un ke gham ko chhupa liya hai

ab maut hi karegi aa kar 'ilaj apna

is zindagi ko hum ne bas aazma liya hai