is gham ki dhup mein mujhe purwaiyan na do
is ġham kī dhuup meñ mujhe purvā.iyāñ na do
jalne do apnī zulf kī parchhā.iyāñ na do
larzāñ haiñ do-jahāñ qayāmat bapā na ho
apne shu.ūr-e-husn ko añgḌā.iyāñ na do
aa jaao kab se ḳhalq tarastī hai diid ko
parde meñ apne aap ko tanhā.iyāñ na do
ho jaa.e jis meñ ġharq mirī kashtī-e-umīd
vo bahr-e-iztirāb kī gahrā.iyāñ na do
hotī haiñ kārgar kahīñ jhūTī tasalliyāñ
ai chārasāzo dil ko shakebā.iyāñ na do
roz-e-azal se hai dil-e-vahshī junūñ-pasand
majnūñ ko zauq-e-anjuman-ārā.iyāñ na do
'āfat' uThā luuñ haath na us ziist se kahīñ
mere junūn-e-ishq ko rusvā.iyāñ na do
is gham ki dhup mein mujhe purwaiyan na do
jalne do apni zulf ki parchhaiyan na do
larzan hain do-jahan qayamat bapa na ho
apne shuur-e-husn ko angDaiyan na do
aa jao kab se KHalq tarasti hai did ko
parde mein apne aap ko tanhaiyan na do
ho jae jis mein gharq meri kashti-e-umid
wo bahr-e-iztirab ki gahraiyan na do
hoti hain kargar kahin jhuTi tasalliyan
ai chaarasazo dil ko shakebaiyan na do
roz-e-azal se hai dil-e-wahshi junun-pasand
majnun ko zauq-e-anjuman-araiyan na do
'afat' uTha lun hath na us zist se kahin
mere junun-e-ishq ko ruswaiyan na do
- Book : SAAZ-O-NAVA (Pg. 39)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
