is haal mein jite ho to mar kyun nahin jate
is haal meñ jiite ho to mar kyuuñ nahīñ jaate
yuuñ TuuT chuke ho to bikhar kyuuñ nahīñ jaate
kaise haiñ ye armān ye kāvish ye tag-o-dau
manzil nahīñ ma.alūm to ghar kyuuñ nahīñ jaate
ashkoñ kī tarah kyuuñ mirī palkoñ pe ruke ho
ḳhanjar kī tarah dil meñ utar kyuuñ nahīñ jaate
maanā ki ye sab zaḳhm-e-jigar tum ne diye haiñ
marham se kisī aur ke bhar kyuuñ nahīñ jaate
ā.īna hai māhaul hai asbāb haiñ tum ho
ḳhātir mirī ik baar sañvar kyuuñ nahīñ jaate
be-ḳhud the kiyā ġhair se va.ada mujhe manzūr
aayā hai agar hosh mukar kyuuñ nahīñ jaate
ai 'tāj' ummīdoñ ke ye mausam bhī ajab haiñ
har rut kī tarah ye bhī guzar kyuuñ nahīñ jaate
is haal mein jite ho to mar kyun nahin jate
yun TuT chuke ho to bikhar kyun nahin jate
kaise hain ye arman ye kawish ye tag-o-dau
manzil nahin malum to ghar kyun nahin jate
ashkon ki tarah kyun meri palkon pe ruke ho
KHanjar ki tarah dil mein utar kyun nahin jate
mana ki ye sab zaKHm-e-jigar tum ne diye hain
marham se kisi aur ke bhar kyun nahin jate
aaina hai mahaul hai asbab hain tum ho
KHatir meri ek bar sanwar kyun nahin jate
be-KHud the kiya ghair se wada mujhe manzur
aaya hai agar hosh mukar kyun nahin jate
ai 'taj' ummidon ke ye mausam bhi ajab hain
har rut ki tarah ye bhi guzar kyun nahin jate
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
