is haqiqat ka hasin KHwabon ko andaza nahin

is haqīqat kā hasīñ ḳhvāboñ ko andāza nahīñ

zindagī vo ghar hai jis meñ koī darvāza nahīñ

shab ke kaase meñ thā kitne māhtāboñ kā lahū

sub.h ke taare ko shāyad is kā andāza nahīñ

rañg lā.egī kabhī to mere zaḳhmoñ kī shafaq

kyā huā rū-e-tamannā par agar ġhāza nahīñ

ek aañsū huuñ ḳhushī kī aañkh se rūThā huā

maiñ kisī kī muntashir palkoñ kā shīrāza nahīñ

kyuuñ bahār aatī nahīñ dil ke ḳharābe kī taraf

kyā tirī shādāb zulfoñ kī havā taaza nahīñ

likh rahī hai kyuuñ mirī rūhāniyat āyāt-e-kufr

ye kahīñ duzdīda ḳhvāboñ kā to ḳhamyāza nahīñ

kis ko dekhā band darvāzoñ ne āñkheñ khol kar

'prem' tujh ko un kī aamad kā bhī andāza nahīñ

is haqiqat ka hasin KHwabon ko andaza nahin

zindagi wo ghar hai jis mein koi darwaza nahin

shab ke kase mein tha kitne mahtabon ka lahu

subh ke tare ko shayad is ka andaza nahin

rang laegi kabhi to mere zaKHmon ki shafaq

kya hua ru-e-tamanna par agar ghaza nahin

ek aansu hun KHushi ki aankh se ruTha hua

main kisi ki muntashir palkon ka shiraaza nahin

kyun bahaar aati nahin dil ke KHarabe ki taraf

kya teri shadab zulfon ki hawa taza nahin

likh rahi hai kyun meri ruhaniyat aayat-e-kufr

ye kahin duzdida KHwabon ka to KHamyaza nahin

kis ko dekha band darwazon ne aankhen khol kar

'prem' tujh ko un ki aamad ka bhi andaza nahin