is hujum-e-be-aman mein koi apna bhi to ho

is hujūm-e-be-amāñ meñ koī apnā bhī to ho

maiñ gale kis ko lagā.ūñ koī zinda bhī to ho

barg-e-āvāra havā nā-āshnā be-mehr phuul

aate jaate mausamoñ meñ koī Thahrā bhī to ho

sab gharoñ meñ lazzat-e-āsūdgī hai ḳhema-zan

maiñ sadā kyā duuñ yahāñ par koī suntā bhī to ho

phir se shāḳh-e-dār par khilne lageñ laale ke phuul

phir se duniyā jaag uTThe koī aisā bhī to ho

TuuT jaatā aap hī be-dard sannāTe kā zor

ḳhauf se bāhar nikal kar koī bolā bhī to ho

maiñ ne us ko dil-navāz-o-ḳhush-adā kyā kyā kahā

merī is zinda-dilī ko koī samjhā bhī to ho

maiñ bhī kah detā ye mere ḳhvāb kī ta.abīr hai

terī ta.abīroñ meñ merā ḳhvāb bolā bhī to ho

is hujum-e-be-aman mein koi apna bhi to ho

main gale kis ko lagaun koi zinda bhi to ho

barg-e-awara hawa na-ashna be-mehr phul

aate jate mausamon mein koi Thahra bhi to ho

sab gharon mein lazzat-e-asudgi hai KHema-zan

main sada kya dun yahan par koi sunta bhi to ho

phir se shaKH-e-dar par khilne lagen lale ke phul

phir se duniya jag uTThe koi aisa bhi to ho

TuT jata aap hi be-dard sannaTe ka zor

KHauf se bahar nikal kar koi bola bhi to ho

main ne us ko dil-nawaz-o-KHush-ada kya kya kaha

meri is zinda-dili ko koi samjha bhi to ho

main bhi kah deta ye mere KHwab ki tabir hai

teri tabiron mein mera KHwab bola bhi to ho