is jagah ki KHas ek pahchan hai

is jagah kī ḳhaas ik pahchān hai

log haiñ behis butoñ meñ jaan hai

hai bahut anjān galiyoñ se saḌak

sīḌhiyoñ se ghar har ik anjān hai

sub.h meñ haiñ surḳhiyāñ aḳhbār kī

shahr ye ik band raushan-dān hai

aadmī ko dekhnā nazdīk se

bhiiḌ meñ sab se baḌā sunsān hai

pyaar ko āsān hai kyā bhūlnā

raah meñ chhūTā huā sāmān hai

aaj phir ghar par hī chhātā rah gayā

aaj phir barsāt kā imkān hai

dost dushman aa ke sukh-dukh bāñTte

dil bahut din se huā dālān hai

phir machhere naav le kar chal paḌe

peT se baḌh kar kahāñ tūfān hai

zindagī ko jab jiyā tab ye lagā

shā'irī karnā bahut āsān hai

paḌhnā sunñā ġhaur se 'animesh' ko

us kā har ik she'r ik dīvān hai

is jagah ki KHas ek pahchan hai

log hain behis buton mein jaan hai

hai bahut anjaan galiyon se saDak

siDhiyon se ghar har ek anjaan hai

subh mein hain surKHiyan aKHbar ki

shahr ye ek band raushan-dan hai

aadmi ko dekhna nazdik se

bhiD mein sab se baDa sunsan hai

pyar ko aasan hai kya bhulna

rah mein chhuTa hua saman hai

aaj phir ghar par hi chhata rah gaya

aaj phir barsat ka imkan hai

dost dushman aa ke sukh-dukh banTte

dil bahut din se hua dalan hai

phir machhere naw le kar chal paDe

peT se baDh kar kahan tufan hai

zindagi ko jab jiya tab ye laga

sha'iri karna bahut aasan hai

paDhna sunna ghaur se 'animesh' ko

us ka har ek she'r ek diwan hai