is KHarabe mein bura kaun hai achchha kya hai

is ḳharābe meñ burā kaun hai achchhā kyā hai

mere bachcho abhī tum logoñ ne dekhā kyā hai

maiñ huuñ tahzīb ke māthe kī sunahrī tahrīr

ġhaur se dekho mire chehre pe likkhā kyā hai

hausla dil kā baḌhā aur javāñ rakh himmat

apnī mahrūmī-e-qismat pe sisaktā kyā hai

merā kirdār to sūraj kī tarah hai raushan

lab-e-nāzuk pe tire phir mirā shikva kyā hai

mujh se iz.hār-e-mohabbat kī huī gustāḳhī

ek mujrim ke liye aap ne sochā kyā hai

apne hī hāthoñ se aabā kī virāsat kho kar

aaj is hālat-e-nā-gufta pe rotā kyā hai

dekhtā hai mujhe chhup-chhup ke jo har dam 'nāzir'

mujh ko mā'lūm nahīñ vo mirā lagtā kyā hai

is KHarabe mein bura kaun hai achchha kya hai

mere bachcho abhi tum logon ne dekha kya hai

main hun tahzib ke mathe ki sunahri tahrir

ghaur se dekho mere chehre pe likkha kya hai

hausla dil ka baDha aur jawan rakh himmat

apni mahrumi-e-qismat pe sisakta kya hai

mera kirdar to suraj ki tarah hai raushan

lab-e-nazuk pe tere phir mera shikwa kya hai

mujh se izhaar-e-mohabbat ki hui gustaKHi

ek mujrim ke liye aap ne socha kya hai

apne hi hathon se aaba ki wirasat kho kar

aaj is haalat-e-na-gufta pe rota kya hai

dekhta hai mujhe chhup-chhup ke jo har dam 'nazir'

mujh ko ma'lum nahin wo mera lagta kya hai