isko shikayat kaun karega dil ki wo haalat gar na rahi

is kī shikāyat kaun karegā dil kī vo hālat gar na rahī

baare tere talavvun se yaksānī-e-shām-o-sahar na rahī

apnī tarah is vahshat-gāh meñ har unvān se rusvā hai

jab se fuġhān-e-nīm-shabī mamnūn-e-bāb-e-asar na rahī

ūñchī shāḳh kā phuul bhī kyā aur qurbat kī maḳhmūrī kyā

dūr-o-qarīb kī koī yaad bhī rāhat-e-dil ban kar na rahī

jiite rahe to Thānī hai ye naumīdāna ziist kareñ

aur koī tadbīr na thī jo ab tak pesh-e-nazar na rahī

kis birte par bāteñ banā.eñ ya.anī sher shi.ār kareñ

rang-e-zamāna dekh ke ham ko himmat-e-arz-e-hunar na rahī

is ki shikayat kaun karega dil ki wo haalat gar na rahi

bare tere talawwun se yaksani-e-sham-o-sahar na rahi

apni tarah is wahshat-gah mein har unwan se ruswa hai

jab se fughan-e-nim-shabi mamnun-e-bab-e-asar na rahi

unchi shaKH ka phul bhi kya aur qurbat ki maKHmuri kya

dur-o-qarib ki koi yaad bhi rahat-e-dil ban kar na rahi

jite rahe to Thani hai ye naumidana zist karen

aur koi tadbir na thi jo ab tak pesh-e-nazar na rahi

kis birte par baaten banaen yani sher shiar karen

rang-e-zamana dekh ke hum ko himmat-e-arz-e-hunar na rahi