isko koi gham nahin hai jis ka ghar patthar ka hai
is ko koī ġham nahīñ hai jis kā ghar patthar kā hai
kyā karegā tez tūfāñ bām-o-dar patthar kā hai
aise insāñ se kabhī ummīd kyā rakhe koī
dekhne meñ aadmī hai dil magar patthar kā hai
kaun sā hai shahr jis meñ maiñ bhaTak kar aa gayā
rāste patthar ke haiñ aur bām-o-dar patthar kā hai
aa ga.e haiñ aag kī zad meñ hazāroñ jhoñpaḌe
mujh ko lekin hai tasallī apnā ghar patthar kā hai
apne dāman meñ chhupā.eñ kyuuñ nahīñ bachche inheñ
haiñ sabhī TuuTe khilaune phir bhī Dar patthar kā hai
un se ummīd-e-vafā rakhnā bhī 'nayyar' hai fuzūl
be-muravvat sab ke sab haiñ aur nagar patthar kā hai
is ko koi gham nahin hai jis ka ghar patthar ka hai
kya karega tez tufan baam-o-dar patthar ka hai
aise insan se kabhi ummid kya rakhe koi
dekhne mein aadmi hai dil magar patthar ka hai
kaun sa hai shahr jis mein main bhaTak kar aa gaya
raste patthar ke hain aur baam-o-dar patthar ka hai
aa gae hain aag ki zad mein hazaron jhonpaDe
mujh ko lekin hai tasalli apna ghar patthar ka hai
apne daman mein chhupaen kyun nahin bachche inhen
hain sabhi TuTe khilaune phir bhi Dar patthar ka hai
un se ummid-e-wafa rakhna bhi 'nayyar' hai fuzul
be-murawwat sab ke sab hain aur nagar patthar ka hai
- Book : Saye Babool Ke (Pg. 44)
- Author : Azhar Naiyyar
- Publication : Educational Publishing House (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
