isko na rast kah tu na isko bata ghalat

is ko na raast kah tū na is ko batā ġhalat

kyā jaane kyā sahīh hai vāqe' meñ kyā ġhalat

dekhā hai maiñ rubā.ī-e-hastī ko ġhaur se

par lafz nā-durust haiñ had mudda'ā ġhalat

iz.hār-e-ishq Dol hī apnā nahīñ hai shoḳh

jin ne kahā ye tujh se hai mahz iftirā ġhalat

us mārpech kūche meñ kākul ke dil hai gum

jis meñ ki rāh-e-ḳhizr ne aksar kiyā ġhalat

'qā.em' na aish-e-naqd ko nisya pe chhoḌiye

kyā jaane baat qissa kī hai raast yā ġhalat

is ko na rast kah tu na is ko bata ghalat

kya jaane kya sahih hai waqe' mein kya ghalat

dekha hai main rubai-e-hasti ko ghaur se

par lafz na-durust hain had mudda'a ghalat

izhaar-e-ishq Dol hi apna nahin hai shoKH

jin ne kaha ye tujh se hai mahz iftira ghalat

us marpech kuche mein kakul ke dil hai gum

jis mein ki rah-e-KHizr ne aksar kiya ghalat

'qaem' na aish-e-naqd ko nisya pe chhoDiye

kya jaane baat qissa ki hai rast ya ghalat