is lab se ras na chuse qadah aur qadah se hum

is lab se ras na chūse qadah aur qadah se ham

to kyuuñ mile subū se qadah aur qadah se ham

saaqī na hove paas tū kab jur.a-e-sharāb

shīshe ke le gulū se qadah aur qadah se ham

baaqī rahe na baada to us ke evaz meñ aab

le ḳhum kī shust-o-shū se qadah aur qadah se ham

gardish pe terī chashm kī bahse hai ham se yaar

da.ave kī guftugū se qadah aur qadah se ham

chashm apnī Tuk dikhā de use tū ki aave baaz

is bahs-e-dū-ba-dū se qadah aur qadah se ham

bosa tire dahan se ye hañgām-e-mai-kashī

le hai kis aarzū se qadah aur qadah se ham

paate haiñ mai-kade meñ 'baqā' ne.amat-e-sharāb

ḳhum se sab subū subū se qadah aur qadah se ham

is lab se ras na chuse qadah aur qadah se hum

to kyun mile subu se qadah aur qadah se hum

saqi na howe pas tu kab jura-e-sharab

shishe ke le gulu se qadah aur qadah se hum

baqi rahe na baada to us ke ewaz mein aab

le KHum ki shust-o-shu se qadah aur qadah se hum

gardish pe teri chashm ki bahse hai hum se yar

dawe ki guftugu se qadah aur qadah se hum

chashm apni Tuk dikha de use tu ki aawe baz

is bahs-e-du-ba-du se qadah aur qadah se hum

bosa tere dahan se ye hangam-e-mai-kashi

le hai kis aarzu se qadah aur qadah se hum

pate hain mai-kade mein 'baqa' neamat-e-sharab

KHum se sab subu subu se qadah aur qadah se hum