is na-murad dil ki tamanna bhi hae hae

is nā-murād dil kī tamanna bhī haa.e haa.e

khātā hai choT kartā hai shikva bhī haa.e haa.e

taskīn tere zikr se hotī to hai magar

chubhtā hai dil meñ hijr kā kāñTā bhī haa.e haa.e

maiñ dil kī tīrgī se karūñ jang har ghaḌī

duniyā meñ har taraf hai ujālā bhī haa.e haa.e

yādoñ kā terī dil meñ parinda muqīm hai

chhoḌe kabhī na mujh ko akelā bhī haa.e haa.e

barsoñ kisī nazar kā maiñ kartā rahā tavāf

lekin rakhā gayā mujhe pyāsā bhī haa.e haa.e

barbādiyoñ kā merī tamāshā ye dekhtā

ġhairoñ ke saath merā vo apnā bhī haa.e haa.e

jannat ko log bhuul ga.e jis ko dekh kar

kitnī ajab jagah hai ye duniyā bhī haa.e haa.e

tū hī akelā dard kā maarā nahīñ hai 'sād'

kartā nahīñ magar koī itnā bhī haa.e haa.e

is na-murad dil ki tamanna bhi hae hae

khata hai choT karta hai shikwa bhi hae hae

taskin tere zikr se hoti to hai magar

chubhta hai dil mein hijr ka kanTa bhi hae hae

main dil ki tirgi se karun jang har ghaDi

duniya mein har taraf hai ujala bhi hae hae

yaadon ka teri dil mein parinda muqim hai

chhoDe kabhi na mujh ko akela bhi hae hae

barson kisi nazar ka main karta raha tawaf

lekin rakha gaya mujhe pyasa bhi hae hae

barbaadiyon ka meri tamasha ye dekhta

ghairon ke sath mera wo apna bhi hae hae

jannat ko log bhul gae jis ko dekh kar

kitni ajab jagah hai ye duniya bhi hae hae

tu hi akela dard ka mara nahin hai 'sad'

karta nahin magar koi itna bhi hae hae