is pe dhabba na laga nam ko ruswai ka

is pe dhabba na lagā naam ko rusvā.ī kā

aaj tak paak hai dāman mirī bīnā.ī kā

yaad hai kis ko sabab us kī shanāsā.ī kā

vo bhī ik hogā karishma isī bīnā.ī kā

garmī-e-zauq-e-nazāra se nahīñ ashk ravāñ

asl meñ hai ye pasīna mirī bīnā.ī kā

Thokaroñ se mirī nazroñ ko ilāhī tū bachā

ab qadam baḌhne lagā hai mirī bīnā.ī kā

hoñge tai baa'd taqarrub ke marāhil saare

dekh lenā hī baḌā kaam hai bīnā.ī kā

is meñ har vaqt bharī rahtī hai nazroñ kī sharāb

aañkh paimāna hai mai-ḳhāna-e-bīnā.ī kā

aa ga.ī chashm-e-karam hazrat-e-zīrak kī jo yaad

'qadr' ne qaid kiyā qāfiya bīnā.ī kā

is pe dhabba na laga nam ko ruswai ka

aaj tak pak hai daman meri binai ka

yaad hai kis ko sabab us ki shanasai ka

wo bhi ek hoga karishma isi binai ka

garmi-e-zauq-e-nazara se nahin ashk rawan

asl mein hai ye pasina meri binai ka

Thokaron se meri nazron ko ilahi tu bacha

ab qadam baDhne laga hai meri binai ka

honge tai ba'd taqarrub ke marahil sare

dekh lena hi baDa kaam hai binai ka

is mein har waqt bhari rahti hai nazron ki sharab

aankh paimana hai mai-KHana-e-binai ka

aa gai chashm-e-karam hazrat-e-zirak ki jo yaad

'qadr' ne qaid kiya qafiya binai ka