is qadar baDh gai wahshat tere diwane ki

is qadar baḌh ga.ī vahshat tire dīvāne kī

toḌ ke pheñk diiñ sab khuDDiyāñ pāḳhāne kī

kostā aise hai mardūd hamesha mujh ko

kabhī māñgī na duā ġhair ke mar jaane kī

khiñch rahā hai vo shab-e-vasl kā naqsha-e-dil meñ

yaad hai ham ko adā.eñ tere sharmāne kī

jab se us shoḳh kī zulfoñ kā liyā hai bosa

baḌh ga.ī aur bhī vahshat dil-e-dīvāne kī

shaiḳh sāhab ne to pūchhā thā pata masjid kā

raah rindoñ ne batā dī use maiḳhāne kī

aa ga.ī ab to javānī huā bachpan ruḳhsat

kyā zarūrat hai shab-e-vasl meñ ghabrāne kī

ḳhalvat-e-yār meñ rahne ko jagah mil jaa.e

na to ka.aba kī zarūrat hai na but-ḳhāne kī

dāl-roTī kā baḌā fikr thā ye bhī chhūTā

ho ga.ī jab ki ye aadat hameñ ġham khāne kī

kam-sinī meñ na agar ġhair se jā kar milte

ham kabhī dekhte sūrat na shifā-ḳhāne kī

jhūTī sachchī kī nahīñ fikr ḳhushī to ye hai

un ko aadat hai mire sar kī qasam khāne kī

dil meñ aatā hai ki dushman ke lagā.ūñ juute

le gayā saalā slēper mirī das-āne kī

muñh kiyā raat ko kaalā jo zabardastī se

kyā zarūrat thī tumheñ ġhair ke ghar jaane kī

apne marne kī ḳhabar yaar ne jhūTī bhejī

ḳhuub tadbīr nikālī mire mar jaane kī

jab ye dekhā ki nahāte haiñ vo nañge ho kar

khiḌkiyāñ toḌ diiñ sab maiñ ne ġhusul-ḳhāne kī

donoñ ThanDak meñ paḌe rahte haiñ bāham leTe

yaad bhī hai vo tumheñ baat baraf-ḳhāne kī

jab se āñkhoñ pe paḌā aks tire jalve kā

huī us roz se aadat mujhe chuñdhiyāne kī

ek din vo thā ki vo uḌ ke chalā karte the

ek din ye hai ki aadat huī katrāne kī

us ke dar kā na miyāñ 'būm' ne pīchhā chhoḌā

īñT-se-īñT bajā kar rahe tah-ḳhāne kī

is qadar baDh gai wahshat tere diwane ki

toD ke phenk din sab khuDDiyan paKHane ki

kosta aise hai mardud hamesha mujh ko

kabhi mangi na dua ghair ke mar jaane ki

khinch raha hai wo shab-e-wasl ka naqsha-e-dil mein

yaad hai hum ko adaen tere sharmane ki

jab se us shoKH ki zulfon ka liya hai bosa

baDh gai aur bhi wahshat dil-e-diwane ki

shaiKH sahab ne to puchha tha pata masjid ka

rah rindon ne bata di use maiKHane ki

aa gai ab to jawani hua bachpan ruKHsat

kya zarurat hai shab-e-wasl mein ghabrane ki

KHalwat-e-yar mein rahne ko jagah mil jae

na to kaba ki zarurat hai na but-KHane ki

dal-roTi ka baDa fikr tha ye bhi chhuTa

ho gai jab ki ye aadat hamein gham khane ki

kam-sini mein na agar ghair se ja kar milte

hum kabhi dekhte surat na shifa-KHane ki

jhuTi sachchi ki nahin fikr KHushi to ye hai

un ko aadat hai mere sar ki qasam khane ki

dil mein aata hai ki dushman ke lagaun jute

le gaya sala sleeper meri das-ane ki

munh kiya raat ko kala jo zabardasti se

kya zarurat thi tumhein ghair ke ghar jaane ki

apne marne ki KHabar yar ne jhuTi bheji

KHub tadbir nikali mere mar jaane ki

jab ye dekha ki nahate hain wo nange ho kar

khiDkiyan toD din sab main ne ghusul-KHane ki

donon ThanDak mein paDe rahte hain baham leTe

yaad bhi hai wo tumhein baat baraf-KHane ki

jab se aankhon pe paDa aks tere jalwe ka

hui us roz se aadat mujhe chundhiyane ki

ek din wo tha ki wo uD ke chala karte the

ek din ye hai ki aadat hui katrane ki

us ke dar ka na miyan 'bum' ne pichha chhoDa

inT-se-inT baja kar rahe tah-KHane ki