is qadar bhi to na jazbaat pe qabu rakkho
is qadar bhī to na jazbāt pe qaabū rakkho
thak ga.e ho to mire kāñdhe pe baazū rakkho
bhūlne paa.e na is dasht kī vahshat dil se
shahr ke biich raho baaġh meñ aahū rakkho
ḳhushk ho jā.egī rote hue sahrā kī tarah
kuchh bachā kar bhī to is aañkh meñ aañsū rakkho
raushnī hogī to aa jā.egā rah-rav dil kā
us kī yādoñ ke diye taaq meñ har-sū rakkho
yaad aa.egī tumhārī hī safar meñ us ko
us ke rūmāl meñ ik achchhī sī ḳhushbū rakkho
ab vo mahbūb nahīñ apnā magar dost to hai
us se ye ek ta.alluq hī bahar-sū rakkho
is qadar bhi to na jazbaat pe qabu rakkho
thak gae ho to mere kandhe pe bazu rakkho
bhulne pae na is dasht ki wahshat dil se
shahr ke bich raho bagh mein aahu rakkho
KHushk ho jaegi rote hue sahra ki tarah
kuchh bacha kar bhi to is aankh mein aansu rakkho
raushni hogi to aa jaega rah-raw dil ka
us ki yaadon ke diye taq mein har-su rakkho
yaad aaegi tumhaari hi safar mein us ko
us ke rumal mein ek achchhi si KHushbu rakkho
ab wo mahbub nahin apna magar dost to hai
us se ye ek talluq hi bahar-su rakkho
- Book : Ghazal Calendar-2015 (Pg. 13.02.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
