is qadar Dar gae kuchh shorish-e-ayyam se log

is qadar Dar ga.e kuchh shorish-e-ayyām se log

ab to bas ghar se nikalte haiñ kisī kaam se log

ik zamāna thā ki ḳhush-bāsh nazar aate the

har taraf jāda-e-dīroz pe ḳhush-gām se log

shāmil-e-qāl thā ik harf-e-tashakkur din raat

mushkiloñ meñ bhī guzar karte the ārām se log

har taraf sikka-e-iḳhlās-o-vafā raa.ij thā

sab ko milte the barābar ka.ī in'ām se log

shāmil-e-hāl bahar-hāl rahā karte the

mil ke laḌte the kabhī gardish-e-ayyām se log

sach kahā karte the ḳhā.if na the ā.īnoñ se

kam Darā karte the andesha-e-anjām se log

ik tabassum pe huā karte the saude dil ke

dast-e-ulfat pe bikā karte the be-dām se log

aañkh meñ sharm thī aur dil meñ hayā hotī thī

ḳhud-numā.ī se bahut duur the zar-fām se log

milne vāloñ se tire ham ne bhī mil kar dekhā

bas vahī 'aam sī bāteñ haiñ vahī 'aam se log

jaane kyoñ tum ko 'azīz is qadar āḳhir haiñ 'zahīr'

TuuTe phūTe se ye majbūr se nākām se log

is qadar Dar gae kuchh shorish-e-ayyam se log

ab to bas ghar se nikalte hain kisi kaam se log

ek zamana tha ki KHush-bash nazar aate the

har taraf jada-e-diroz pe KHush-gam se log

shamil-e-qal tha ek harf-e-tashakkur din raat

mushkilon mein bhi guzar karte the aaram se log

har taraf sikka-e-iKHlas-o-wafa raij tha

sab ko milte the barabar kai in'am se log

shamil-e-haal bahar-haal raha karte the

mil ke laDte the kabhi gardish-e-ayyam se log

sach kaha karte the KHaif na the aainon se

kam Dara karte the andesha-e-anjam se log

ek tabassum pe hua karte the saude dil ke

dast-e-ulfat pe bika karte the be-dam se log

aankh mein sharm thi aur dil mein haya hoti thi

KHud-numai se bahut dur the zar-fam se log

milne walon se tere hum ne bhi mil kar dekha

bas wahi 'am si baaten hain wahi 'am se log

jaane kyon tum ko 'aziz is qadar aaKHir hain 'zahir'

TuTe phuTe se ye majbur se nakaam se log