is qadar gham hai ki izhaar nahin kar sakte

is qadar ġham hai ki iz.hār nahīñ kar sakte

ye vo dariyā hai jise paar nahīñ kar sakte

aap chāheñ to kareñ dard ko dil se mashrūt

ham to is tarah kā bevpār nahīñ kar sakte

jaan jaatī hai to jaa.e magar ai dushman-e-jāñ

ham kabhī tujh pe koī vaar nahīñ kar sakte

jitnī rusvā.ī milī aap kī nisbat se milī

aap is baat se inkār nahīñ kar sakte

aap kar sakte haiñ ḳhushbū ko sabā se mahrūm

aur kuchh sāhab-e-kirdār nahīñ kar sakte

ek zanjīr sī palkoñ se bañdhī rahtī hai

phir bhī ik dasht ko gulzār nahīñ kar sakte

ye gul-e-dard hai is ko to mahaknā hai huzūr

aap ḳhushbū ko giraftār nahīñ kar sakte

is qadar gham hai ki izhaar nahin kar sakte

ye wo dariya hai jise par nahin kar sakte

aap chahen to karen dard ko dil se mashrut

hum to is tarah ka bewpar nahin kar sakte

jaan jati hai to jae magar ai dushman-e-jaan

hum kabhi tujh pe koi war nahin kar sakte

jitni ruswai mili aap ki nisbat se mili

aap is baat se inkar nahin kar sakte

aap kar sakte hain KHushbu ko saba se mahrum

aur kuchh sahab-e-kirdar nahin kar sakte

ek zanjir si palkon se bandhi rahti hai

phir bhi ek dasht ko gulzar nahin kar sakte

ye gul-e-dard hai is ko to mahakna hai huzur

aap KHushbu ko giraftar nahin kar sakte