is qadar mahw hain kar-e-chaman-arai mein hum

is qadar mahv haiñ kār-e-chaman-ārā.ī meñ ham

dil kī dhaḌkan bhī nahīñ sunte haiñ tanhā.ī meñ ham

DhūñDte phirte haiñ ab apne ta.alluq kā sabab

duur tak bikhre hue rāh-e-shanāsā.ī meñ ham

shaam kī dhund meñ karte haiñ tasavvur us kā

aur phir sarf bhī hote haiñ pazīrā.ī meñ ham

dil kī tanhā.ī se ghabrā ke nikal aate haiñ

varna rahte haiñ isī dasht kī pahnā.ī meñ ham

sher ke motī uThā laa.e haiñ tah se 'āmir'

duur tak utre the is bahr kī gahrā.ī meñ ham

is qadar mahw hain kar-e-chaman-arai mein hum

dil ki dhaDkan bhi nahin sunte hain tanhai mein hum

DhunDte phirte hain ab apne talluq ka sabab

dur tak bikhre hue rah-e-shanasai mein hum

sham ki dhund mein karte hain tasawwur us ka

aur phir sarf bhi hote hain pazirai mein hum

dil ki tanhai se ghabra ke nikal aate hain

warna rahte hain isi dasht ki pahnai mein hum

sher ke moti uTha lae hain tah se 'amir'

dur tak utre the is bahr ki gahrai mein hum