is rang mein apne dil-e-nadan se gila hai

is rañg meñ apne dil-e-nādāñ se gila hai

jaise hameñ kul ālam-e-imkāñ se gila hai

kis aañkh ne samjhā mirī be-bāl-o-parī se

jo kuchh mujhe dīvār-e-gulistāñ se gila hai

aa ḳhanjar-e-dildār mire dil ko sunā de

shāyad tujhe kuchh merī rag-e-jāñ se gila hai

chhoḌā hai kahāñ saath mire dast-e-junūñ kā

kam-mā.egī-e-dāman-e-imkāñ se gila hai

kahte haiñ bas utnī hī tirī tāb-e-yaqīñ thī

hai kufr se shikva mire īmāñ se gila hai

ik lafz-e-tasallī mire hisse meñ na aayā

ai zauq-e-samā.at lab-e-jānāñ se gila hai

mil jaatī hai jaañ qarz magar mai nahīñ miltī

begāñgī-e-bāda-faroshāñ se gila hai

īmān kā pindār liye phirtā huuñ har suu!

ye bhī usī ġhārat-gar-e-īmāñ se gila hai

kaise dil-e-tanhā ne banā.e haiñ muḳhātab

dīvāroñ se shikva dar-e-zindāñ se gila hai

kahte haiñ 'sabā' chāñdnī gulshan kī na dekhe

us shaḳhs ko arbāb-e-gulistāñ se gila hai

is rang mein apne dil-e-nadan se gila hai

jaise hamein kul aalam-e-imkan se gila hai

kis aankh ne samjha meri be-baal-o-pari se

jo kuchh mujhe diwar-e-gulistan se gila hai

aa KHanjar-e-dildar mere dil ko suna de

shayad tujhe kuchh meri rag-e-jaan se gila hai

chhoDa hai kahan sath mere dast-e-junun ka

kam-maegi-e-daman-e-imkan se gila hai

kahte hain bas utni hi teri tab-e-yaqin thi

hai kufr se shikwa mere iman se gila hai

ek lafz-e-tasalli mere hisse mein na aaya

ai zauq-e-samaat lab-e-jaanan se gila hai

mil jati hai jaan qarz magar mai nahin milti

begangi-e-baada-faroshan se gila hai

iman ka pindar liye phirta hun har su!

ye bhi usi ghaarat-gar-e-iman se gila hai

kaise dil-e-tanha ne banae hain muKHatab

diwaron se shikwa dar-e-zindan se gila hai

kahte hain 'saba' chandni gulshan ki na dekhe

us shaKHs ko arbab-e-gulistan se gila hai