is safar ka chehra chehra aaina wala laga

is safar kā chehra chehra aa.ina vaalā lagā

chal paḌā to mujh ko saarā rāsta dekhā lagā

in badalte manzaroñ meñ ham to Thahre be-vaqār

aap hī kah deñ ye mausam aap ko kaisā lagā

TūTte rishtoñ ke yug meñ aisā bhī lamha milā

apnā ghar to apnā ghar thā saarā ghar apnā lagā

ab ke jab pardes se lauTe to apne des meñ

niim kā bhī zā.iqa ham ko bahut achchhā lagā

kūcha-e-asvad ke bāshinde haiñ ham apnā vajūd

maañ ke āñchal meñ lage paivand kā baḳhiya lagā

Dūbte sūraj ko dekho zindagī apnī lage

sub.h kā niklā musāfir shaam ko ghar jā lagā

is safar ka chehra chehra aaina wala laga

chal paDa to mujh ko sara rasta dekha laga

in badalte manzaron mein hum to Thahre be-waqar

aap hi kah den ye mausam aap ko kaisa laga

TuTte rishton ke yug mein aisa bhi lamha mila

apna ghar to apna ghar tha sara ghar apna laga

ab ke jab pardes se lauTe to apne des mein

nim ka bhi zaiqa hum ko bahut achchha laga

kucha-e-aswad ke bashinde hain hum apna wajud

man ke aanchal mein lage paiwand ka baKHiya laga

Dubte suraj ko dekho zindagi apni lage

subh ka nikla musafir sham ko ghar ja laga