is se gharaz nahin hai kafir ki parsa ho

is se ġharaz nahīñ hai kāfir ki pārsā ho

bas itnī aarzū hai dil marzi-e-ḳhudā ho

har shai se ho numāyāñ husn-e-talab kisī kā

har zarra mere dil kā labbaik kah rahā ho

pur-lutf phir na kyoñ ho yak-rangī-e-mohabbat

jo un kī aarzū ho merī vahī duā ho

phir tiir aah merā lauTā na āsmāñ se

chashm-e-falak kā ai dil taarā na ban gayā ho

shāḳh-e-tamannā merī phūle phale jahāñ meñ

gul-hā-e-ārzū se dāman mirā bharā ho

naġhma rahe na koī jab sāz-e-ārzū meñ

merā dil-e-shikasta kyā ḳhaak ḳhush-navā ho

is se gharaz nahin hai kafir ki parsa ho

bas itni aarzu hai dil marzi-e-KHuda ho

har shai se ho numayan husn-e-talab kisi ka

har zarra mere dil ka labbaik kah raha ho

pur-lutf phir na kyon ho yak-rangi-e-mohabbat

jo un ki aarzu ho meri wahi dua ho

phir tir aah mera lauTa na aasman se

chashm-e-falak ka ai dil tara na ban gaya ho

shaKH-e-tamanna meri phule phale jahan mein

gul-ha-e-arzu se daman mera bhara ho

naghma rahe na koi jab saz-e-arzu mein

mera dil-e-shikasta kya KHak KHush-nawa ho