is se kya baDh ke bad-nasibi ho

is se kyā baḌh ke bad-nasībī ho

ek shā.ir jo falsafī bhī ho

ik mohabbat mujhe bhī hai darkār

jo ki pahlī ho āḳhirī bhī ho

ek manzar ho shānt Thahrā huā

jis meñ bahtī huī nadī bhī ho

ik kahānī hai mere baare meñ

tum ne shāyad kahīñ sunī bhī ho

yaad vo shai hai jis ke marne par

dil meñ mātam bhī ho ḳhushī bhī ho

kyā ḳhabar us ke duur jaane kā

ik sabab merī ḳhāmushī bhī ho

is se kya baDh ke bad-nasibi ho

ek shair jo falsafi bhi ho

ek mohabbat mujhe bhi hai darkar

jo ki pahli ho aaKHiri bhi ho

ek manzar ho shant Thahra hua

jis mein bahti hui nadi bhi ho

ek kahani hai mere bare mein

tum ne shayad kahin suni bhi ho

yaad wo shai hai jis ke marne par

dil mein matam bhi ho KHushi bhi ho

kya KHabar us ke dur jaane ka

ek sabab meri KHamushi bhi ho