is se pahle ki jhulas jaun main jangal ki tarah

is se pahle ki jhulas jā.ūñ maiñ jangal kī tarah

Tuut ke mujh pe baras jā kisī bādal kī tarah

dil kī dīvār ko zālim tirī ummīd-e-vasl

chaak kartī hī chalī jaatī hai pīpal kī tarah

ye mirā ḳhūn-e-jigar hai ise zaa.e' mat kar

aañkh par apnī sajā le ise kājal kī tarah

is se pahle ki zamīñ bojh samajh le ham ko

ham zamīñ oḌh ke so jā.eñge kambal kī tarah

is se pahle ki jhulas jaun main jangal ki tarah

Tut ke mujh pe baras ja kisi baadal ki tarah

dil ki diwar ko zalim teri ummid-e-wasl

chaak karti hi chali jati hai pipal ki tarah

ye mera KHun-e-jigar hai ise zae' mat kar

aankh par apni saja le ise kajal ki tarah

is se pahle ki zamin bojh samajh le hum ko

hum zamin oDh ke so jaenge kambal ki tarah