is talluq ko nibhao to koi sher kahun

is ta'alluq ko nibhāo to koī she'r kahūñ

tum agar sāmne aao to koī she'r kahūñ

Duub jaane pe hī gahrā.ī pata chaltī hai

aañkh se aañkh milāo to koī she'r kahūñ

maiñ kisī monalisa kā nahīñ qaa.il jānāñ

apnī tasvīr dikhāo to koī she'r kahūñ

aap kī chup se haiñ ḳhāmosh fazā.eñ saarī

aap hoñToñ ko hilāo to koī she'r kahūñ

tum sitāroñ ko gino aur maiñ dekhūñ tum ko

saath ik raat bitāo to koī she'r kahūñ

hazrat-e-qais ko kal shahr meñ dekhā to kahā

dasht meñ ḳhaak uḌaao to koī she'r kahūñ

vasl ke daur meñ kab she'r huā karte haiñ

tum mujhe chhoḌ ke jaao to koī she'r kahūñ

is ta'alluq ko nibhao to koi she'r kahun

tum agar samne aao to koi she'r kahun

Dub jaane pe hi gahrai pata chalti hai

aankh se aankh milao to koi she'r kahun

main kisi monalisa ka nahin qail jaanan

apni taswir dikhao to koi she'r kahun

aap ki chup se hain KHamosh fazaen sari

aap honTon ko hilao to koi she'r kahun

tum sitaron ko gino aur main dekhun tum ko

sath ek raat bitao to koi she'r kahun

hazrat-e-qais ko kal shahr mein dekha to kaha

dasht mein KHak uDao to koi she'r kahun

wasl ke daur mein kab she'r hua karte hain

tum mujhe chhoD ke jao to koi she'r kahun