is tamasha-e-sar-e-am se pahle pahle

is tamāshā-e-sar-e-ām se pahle pahle

izn-e-kohrām huā baam se pahle pahle

maqtal-e-ḳhvāb se ik ḳhaas ḳhabar aa.ī hai

aaj so jā.eñge ham shaam se pahle pahle

shakl pyāsoñ kī chalo yaad karo yaad karo

haañ abhī aur isī jaam se pahle pahle

jab tavaqquf mirī tasvīr banā detā hai

un ke hoñToñ pe mire naam se pahle pahle

tum bhī aa.e ho yahāñ kaam se aao baiTho

ham bhī aa.e the yahāñ kaam se pahle pahle

zindagī chīḳhtī rahtī thī ki hāsil kyā hai

ḳhalvat-e-maut ke in.aam se pahle pahle

is tamasha-e-sar-e-am se pahle pahle

izn-e-kohram hua baam se pahle pahle

maqtal-e-KHwab se ek KHas KHabar aai hai

aaj so jaenge hum sham se pahle pahle

shakl pyason ki chalo yaad karo yaad karo

han abhi aur isi jam se pahle pahle

jab tawaqquf meri taswir bana deta hai

un ke honTon pe mere nam se pahle pahle

tum bhi aae ho yahan kaam se aao baiTho

hum bhi aae the yahan kaam se pahle pahle

zindagi chiKHti rahti thi ki hasil kya hai

KHalwat-e-maut ke inam se pahle pahle