is tarah eatibar karte rahe

is tarah e.atibār karte rahe

saarī hastī nisār karte rahe

dil jalāyā kiye diye kī jagah

ranj-o-ġham āshkār karte rahe

merī chāhat ko āzmāyā kiye

be-ruḳhī iḳhtiyār karte rahe

ham to ahd-e-vafā nibhāyā kiye

vo hameñ sharmsār karte rahe

un se iz.hār-e-ġham gunah hī sahī

ham use baar baar karte rahe

kaisā va.ada kiyā thā aane kā

aaj tak intizār karte rahe

phuul kumhlā ga.e chaman ke magar

log jashn-e-bahār karte rahe

ham taḌapte rahe 'adā' har dam

chashm-e-ġham ashk-bār karte rahe

is tarah eatibar karte rahe

sari hasti nisar karte rahe

dil jalaya kiye diye ki jagah

ranj-o-gham aashkar karte rahe

meri chahat ko aazmaya kiye

be-ruKHi iKHtiyar karte rahe

hum to ahd-e-wafa nibhaya kiye

wo hamein sharmsar karte rahe

un se izhaar-e-gham gunah hi sahi

hum use bar bar karte rahe

kaisa wada kiya tha aane ka

aaj tak intizar karte rahe

phul kumhla gae chaman ke magar

log jashn-e-bahaar karte rahe

hum taDapte rahe 'ada' har dam

chashm-e-gham ashk-bar karte rahe